Mar 28, 2017ບໍລິສັດຮິລຕັນ (Hilton) ເຂົ້າມາດຳເນີນທຸລະກິດໃນ ສປປ ລາວ ດ້ວຍການເຊັນສັນຍາ ດໍາເນີນທຸລະກິດໂຮງແຮມ DoubleTree by Hilton

ໃຫ້ເປັນໂຮງແຮມໃນປະຫວັດສາດ ຂອງ ນະຄອນຫຼວງວຽງຈັນ ຊຶ່ງເປັນບາດກ້າວການຂະຫຍາຍຕົວຂອງບໍລິສັດ ຢູ່ໃນພາກພື້ນເອເຊຍ-ປາຊີຟິກ

  • Hilton at the signing ceremony of DoubleTree by Hilton Vientiane marking Hilton’s entry into Laos

  • At the signing ceremony of DoubleTree by Hilton Vientiane

View image download galleryIMAGE GALLERY

This information originated in Lao.

ນະຄອນຫຼວງວຽງຈັນ, ສປປ ລາວ ແລະ MCLEAN, Va - ຮິລຕັນ (Hilton (NYSE: HLT) ແລະ DoubleTree by Hilton ໄດ້ເຊັນສັນຍາກັບບໍລິສັດ ທີພີດີ ຈໍາກັດ (TPD Company Limited) ຊຶ່ງເປັນບໍລິສັດໃນເຄືອຂອງບໍລິສັດ ທີເຄ ກຣຸບ (TK Group) ໃນການບໍລິຫານ ໂຮງແຮມ DoubleTree 160 ຫ້ອງ ໂດຍ Hilton Vientiane, ຊຶ່ງມີກຳນົດເປີດບໍລິການ ໃນຕົ້ນປີ 2020. ການຖະແຫຼງຂ່າວນີ້ ເປັນການບົ່ງບອກເຖິງ ການເຂົ້າມາດໍາເນີນທຸລະກິດ ຂອງ ບໍລິສັດ ຮິລຕັນ ຢູ່ໃນ ສປປ ລາວ ແລະ ເປັນການເປີດໂຕເຄື່ອງໝາຍການຄ້າ ຂອງບໍລິສັດນີ້ ຄັ້ງທຳອິດໃນປະຫວັດສາດ ຂອງນະຄອນຫຼວງວຽງຈັນ.

ທ່ານ ນາງ Dianna Vaughan, ຮອງປະທານອາວຸໂສ ແລະ ຫົວໜ້າທຸລະກິດໂຮງແຮມ DoubleTree by Hilton ໃນທົ່ວໂລກ ໄດ້ເວົ້າວ່າ "ພວກຂ້າພະເຈົ້າຮູ້ສຶກຕື່ນເຕັ້ນ ທີ່ໄດ້ຮັບກຽດໃຫ້ເປັນຜູ້ນໍາເອົາໂຮງແຮມ ລະດັບ DoubleTree by Hilton ເຂົ້າມາໃຫ້ບໍລິການເປັນຄັ້ງທຳອິດໃນປະຫວັດສາດ ຂອງນະຄອນຫຼວງວຽງຈັນ ທີ່ມີສະເໜ່ແຫ່ງນີ້" ແລະ ຍັງໄດ້ກ່າວອີກວ່າ "ໃນຖານະທີ່ເປັນໜຶ່ງໃນໂຮງແຮມລະດັບໂລກ ທີ່ເຂົ້າມາມີບົດບາດໃນຕະຫຼາດການບໍລິການ, ພວກຂ້າພະເຈົ້າຫວັງຢ່າງຍິ່ງວ່າ ຈະໄດ້ຕ້ອນຮັບບັນດາແຂກທີ່ມາຢ້ຽມຢາມນະຄອນຫຼວງແຫ່ງນີ້ ທັງຈາກພາຍໃນ ແລະ ຕ່າງປະເທດ ດ້ວຍການບໍລິການທີ່ ຈັບໃຈແບບບໍ່ມີວັນລືມ ແລະ ດ້ວຍຮອຍຍິ້ມອັນສົດຊື່ນແຈ່ມໃສ, ເລີ່ມຕົ້ນຈາກການຕ້ອນຮັບທີ່ອົບອຸ່ນ ດ້ວຍເຄື່ອງດື່ມ ແລະ ເຂົ້າໜົມທີ່ເປັນເອກະລັກຂອງໂຮງແຮມ DoubleTree ຕັ້ງແຕ່ບາດກ້າວທຳອິດທີ່ທ່ານເຂົ້າມາທີ່ໂຮງແຮມ."

ໂຮງແຮມ DoubleTree by Hilton ຈະຕັ້ງຢູ່ລະຫວ່າງທີ່ຖະໜົນເສດຖາທິລາດ ແລະ ຖະໜົນມັນທາທຸລັດ ຢູ່ໃນໃຈກາງຂອງນະຄອນຫຼວງ. ໃຈກາງເມືອງບໍລິເວນນີ້ ຍັງມີຕຶກເຄຫະທີ່ງົດງາມແບບສະຖາປັດຕະຍາກຳຂອງຝຣັ່ງເສດເຫຼືອໄວ້ໃຫ້ຊົມ ແລະ ມີຮ້ານອາຫານ, ຮ້ານກາເຟທີ່ລືຊື່ຫຼາຍລະດັບ ໃຫ້ເລືອກໃຊ້ບໍລິການ. ຫຼາຍສະຖານທີ່ປະຫວັດສາດທີ່ສໍາຄັນ ແລະ ມີຊື່ສຽງທີ່ຮຽກຮ້ອງໃຫ້ສົນໃຈ ເຊັ່ນ ສໍານັກງານປະທານປະເທດ (ຫໍຄໍາ), ວັດສີສະເກດ ແລະ ຫໍພິພິດທະພັນແຫ່ງຊາດລາວ ແມ່ນຢູ່ໃນຂອບເຂດລັດສະໝີ ໜຶ່ງກິໂລແມັດຈາກໂຮງແຮມຊຶ່ງແທດເໝາະກັບການຢ່າງໄປຢ້ຽມຊົມ. ສໍາລັບບັນດານັກເດີນທາງທີ່ຊອກປະສົບການທີ່ແທ້ຈິງ, ບັນດາຕະຫຼາດທ້ອງຖິ່ນ ເຊັ່ນຕະຫຼາດເຊົ້າ ແລະ ຕະຫຼາດແຄມຂອງໃນຍາມຄໍ່າ ແມ່ນສາມາດເຂົ້າເຖິງໄດ້ຢ່າງສະບາຍຈາກໂຮງແຮມ. ໂຮງແຮມຍັງຕັ້ງຢູ່ຫ່າງຈາກສະໜາມບິນສາກົນວັດໄຕ ພຽງແຕ່ 5 ກິໂລແມັດເທົ່ານັ້ນ.

ທ່ານ Guy Philips, ຮອງປະທານອາວຸໂສ ດ້ານ ການພັດທະນາ ພູມິພາກ ເອເຊຍ & ພູມິພາກ ອົສຕຣາເລເຊຍ ຂອງ Hilton ເວົ້າວ່າ "ນະຄອນຫຼວງວຽງຈັນ ເປັນຈຸດໝາຍປາຍທາງຕົ້ນຕໍຂອງ ສປປ ລາວ ຊຶ່ງໃນໄລຍະຜ່ານມາ ແມ່ນໄດ້ຕ້ອນຮັບນັກທ່ອງທ່ຽວປະມານ 25 ສ່ວນຮ້ອຍ ຂອງຈໍານວນທັງໝົດຂອງນັກທ່ອງທ່ຽວໃນແຕ່ລະປີ. ນະຄອນຫຼວງວຽງຈັນ ກາຍເປັນຈຸດທໍາອິດຂອງການເຂົ້າສູ່ ສປປ ລາວ ຊຶ່ງເປັນຕະຫຼາດຍຸດທະສາດ ສໍາລັບ Hilton". ແລະ ຍັງໄດ້ກ່າວເພີ່ມເຕີມອີກວ່າ "ໃນຖານະທີ່ເປັນບໍລິສັດໜຶ່ງທີ່ພວມກ້າວໜ້າຢ່າງໄວວາໃນດ້ານທຸລະກິດໃຫ້ບໍລິການດ້ານໂຮງແຮມ ແລະ ບວກກັບການເປັນຄູ່ຮ່ວມທຸລະກິດທີ່ເຂັ້ມແຂງ ກັບ ບໍລິສັດ ທີພີດີ ຈໍາກັດ, ພວກຂ້າພະເຈົ້າ ເຊື່ອໝັ້ນວ່າ ໂຮງແຮມ DoubleTree by Hilton Vientiane ຈະປະສົບຄວາມສຳເລັດ ແລະ ກ້າວໜ້າຢູ່ໃນຕະຫຼາດການບໍລິການ."

ໃນຖານະເປັນເມືອງຫຼວງຂອງ ສປປ ລາວ ທັງໃນດ້ານສັງຄົມ ແລະ ດ້ານເສດຖະກິດ, ນະຄອນຫຼວງວຽງຈັນ ເປັນຈຸດສູນກາງຂອງສະຖານທີ່ສຳຄັນ ບໍ່ວ່າຈະເປັນສໍານັກງານ, ບັນດາສະຖາບັນດ້ານການເງິນທີ່ໃຫຍ່ໆ, ບັນດາອົງກອນຂອງລັດ ແລະ ບັນດາທຸລະກິດຕ່າງຊາດທີ່ເຂົ້າມາລົງທຶນໃນລາວ. ນະຄອນຫຼວງວຽງຈັນຍັງເປັນສູນກາງສໍາລັບການຄ້າຂາຍເຄື່ອງໃຊ້ປະເພດຕ່າງໆ ເນື່ອງຈາກການທີ່ມີຊາຍແດນຕິດກັບປະເທດໄທ ແລະ ຫວຽດນາມ ຜ່ານແມ່ນໍ້າຂອງ ແລະ ຂົວເຊື່ອມຕໍ່ສາມແຫ່ງ. ໃນຊຸມປີທີ່ຜ່ານມານີ້, ນະຄອນຫຼວງວຽງຈັນໄດ້ມີການຂະຫຍາຍຕົວດ້ານເສດຖະກິດຢ່າງໄວວາຈາກການເຂົ້າມາລົງທຶນຂອງຕ່າງປະເທດ ທັງນີ້ກໍ່ຕ້ອງຂອບໃຈລັດຖະບານລາວໃນຄວາມຕັ້ງໃຈທີ່ຢາກໃຫ້ຊາວຕ່າງປະເທດເຂົ້າມາລົງທຶນ ແລະ ມຸ່ງໝັ້ນໃນການພັດທະນາອຸດສາຫະກໍາການທ່ອງທ່ຽວຂອງປະເທດ.

ສປປ ລາວ ເປັນໜຶ່ງໃນປະເທດທີ່ມີການເຕີບໃຫຍ່ຂະຫຍາຍຕົົວດ້ານເສດຖະກິດຢ່າງວ່ອງໄວໃນອາຊີ; ອັນເນື່ອງມາຈາກຄວາມຕັ້ງໃຈຂອງລັດຖະບານ ທີ່ຕ້ອງການດຶງດູດໃຫ້ຕ່າງປະເທດເຂົ້າມາລົງທຶນ ແລະ ເມື່ອບໍ່ດົນມານີ້ກໍ່ເຫັນວ່າການລົງທຶນຈາກຕ່າງປະເທດໂດຍກົງໄດ້ເພີ່ມຂຶ້ນເຖິງ 70% ອັນເນື່ອງຈາກການປະກາດສ້າງຕັ້ງປະຊາຄົມເສດຖະກິດອາຊຽນໃນປີ 2016.

ນອກຈາກນີ້, ເສັ້ນທາງລົດໄຟ ລາວ - ຈີນ ມູນຄ່າ 6 ຕື້ ໂດລາສະຫະລັດ, ຍາວ 427 ກິໂລແມັດ ພວມຢູ່ໃນໄລຍະການກໍ່ສ້າງ ຊຶ່ງຈະເຊື່ອມຕໍ່ກັບປະເທດໄທ ໂດຍເປັນສ່ວນໜຶ່ງຂອງເສັ້ນທາງລົດໄຟລະຫວ່າງນະຄອນກຸນໝິງ - ສິງກະໂປ ແລະ ຈະແລ່ນຜ່ານ ນະຄອນຫຼວງວຽງຈັນ. ສິ່ງນີ້ ເຮັດໃຫ້ຄາດການລ່ວງໜ້າໄດ້ວ່າ ການຄ້າຂາຍ ແລະ ການທ່ອງທ່ຽວ ຈະໄດ້ຮັບການສົ່ງເສີມ ແລະ ປະກອບສ່ວນເຂົ້າໃນການເຕີບໃຫຍ່ຂະຫຍາຍຕົວຂອງເສດຖະກິດນະຄອນຫຼວງ. ນອກຈາກນີ້, ຍັງຄາດການໄວ້ວ່າ ນັກເດີນທາງຜ່ານສະໜາມບິນສາກົນວັດໄຕ ຈະມີຈໍານວນເພີ່ມຂຶ້ນ ພາຍໃນປີ 2018 ເພາະວ່າໃນຂະນະນີ້ ໂຄງການຕໍ່ເຕີມອາຄານສະໜາມບິນ ພວມຢູ່ໃນໄລຍະຈັດຕັ້ງປະຕິບັດ.

ໂຮງແຮມ DoubleTree by Hilton Vientiane ຈະເຂົ້າຮ່ວມໂຄງການ Hilton Honors ເຊິ່ງເປັນໂປແກມສຳລັບ ແຂກຜູ້ທີ່ເຂົ້າພັກປະຈຳ ແລະ ໃຊ້ການບໍລິການ ພາຍໃຕ້ 14 ເຄື່ອງໝາຍການຄ້າຂອງ Hilton. ບັນດາສະມາຊິກ ຂອງ ໂຄງການ Hilton Honors ທີ່ສັ່ງຈອງຜ່ານຊ່ອງທາງການຈອງຂອງ Hilton ເຊິ່ງປະຫຍັດເວລາ ແລະ ຄ່າທີ່ພັກ, ແລະ ຈະໄດ້ເຂົ້າເຖິງສິດທິປະໂຫຍດສູງສຸດໂດຍທັນທີ, ເຊັ່ນ ສ່ວນຫຼຸດພິເສດ ຂອງການເປັນສະມາຊິກ, ການໃຊ້ Wi-Fi ໂດຍບໍ່ເສຍຄ່າ ແລະ ຄວາມສະດວກໃນການຊໍາລະເງິນ ຊຶ່ງບັນດາສະມາຊິກ ສາມາດເລືອກໃຊ້ວິທີຊໍາລະ ແບບສະສົມຄະແນນ ເພື່ອຈອງຫ້ອງພັກ. ທ່ານສະມາຊິກ ຍັງສາມາດເອົາຄະແນນສະສົມ ມາແລກໃຊ້ແທນຄ່າຫ້ອງພັກ ແລະ ເພື່ອເຂົ້າຮ່ວມງານທີ່ຈັດຂຶ້ນໃນໂອກາດສະເພາະໂດຍຜ່ານລະບຽບການຄັດເລືອກ ຂອງໂຄງການ Hilton Honors.

ບັນດາສື່ ສາມາດເຂົ້າເຖິງຂໍ້ມູນຂ່າວສານ ກ່ຽວກັບ ໂຮງແຮມ DoubleTree ໂດຍ Hilton ທີ່ເວັບໄຊ້ www.doubletree.com  ແລະ news.doubletree.com 

ຕິດຕໍ່:
Audrey Wong
Hilton - Asia Pacific
+65 6833 9763
audrey.wong@hilton.com

Joyce Moo
Hilton - South East Asia & India
+65 6833 9703
joyce.moo@hilton.com

ຂໍ້ມູນກ່ຽວກັບ ໂຮງແຮມ DOUBLETREE BY HILTON
ໂຮງແຮມ DoubleTree by Hilton ແມ່ນໂຮງແຮມ ທີ່ມີມາດຖານການບໍລິການໃນລະດັບສູງ ຊຶ່ງຂະຫຍາຍຕົວໄປທົ່ວໂລກຢ່າງໄວວາໂດຍມີຈຳນວນທັງໝົດ 500ແຫ່ງ ທົ່ວໂລກ, ໂດຍມີຫ້ອງພັກ ຫຼາຍກວ່າ 117,000 ຫ້ອງ ຢູ່ບັນດາເມືອງທີ່ສຳຄັນ, ຢູ່ໃນພື້ນທີ່ ຊຶ່ງເຕັມໄປດ້ວຍສິ່ງທີ່ມີເອກະລັກ ແລະ ຄຶກຄັກຕະຫຼອດເວລາ ແລະ ຢູ່ຕາມສະຖານທີ່ພັກຜ່ອນຢ່ອນອາລົມ ໃນຫົກທະວີບຂອງໂລກ. ໂຮງແຮມ DoubleTree by Hilton ມີຄວາມພູມໃຈໃນການເອົາໃຈໃສ່ຕໍ່ສິ່ງລະອຽດທີ່ເລັກນ້ອຍ ແຕ່ມີຄວາມສຳຢ່າງຫຼວງຫຼາຍ, ເລີ່ມຈາກ ການທັກທາຍຕ້ອນຮັບແຂກ ດ້ວຍເຄື່ອງດື່ມ ແລະ ເຂົ້າໜົມ ທີ່ເປັນເອກະລັກ ຂອງ ໂຮງແຮມ DoubleTree ຈົນໄປເຖິງ ການຮັບໃຊ້ບັນດາຊຸມຊົນອ້ອມຂ້າງ. ໂຮງແຮມ DoubleTree by Hilton ມີທີ່ພັກພິເສດສະເພາະທີ່ທັນສະໄໝ ແລະ ມີສິ່ງອໍານວຍຄວາມສະດວກຄົບທຸກແບບ, ລວມໄປເຖິງຮ້ານອາຫານ ແລະ ຫ້ອງດື່ມແລະ ບ່ອນນັ່ງຫຼິ້ນ, ການບໍລິການເຖິງຫ້ອງພັກ, ໂປແກມຮັກສາສຸຂະພາບ, ສູນການຄ້າ ແລະ ສະຖານທີ່ ສໍາລັບຈັດກອງປະຊຸມ ແລະ ຈັດງານລ້ຽງ. ບັນດາສະມາຊິກ ຂອງໂຄງການ Hilton Honors ທີ່ສັ່ງຈອງຜ່ານຊ່ອງທາງການຈອງ Hilton ຈະເຂົ້າເຖິງສິດປະໂຫຍດສູງສຸດໄດ້ໂດຍທັນທີ, ສາມາດເລືອກໃຊ້ວິທີຊໍາລະແບບສະສົມຄະແນນ ເພື່ອຈອງຫ້ອງພັກ, ສ່ວນຫຼຸດພິເສດ ຂອງການເປັນສະມາຊິກ ຊຶ່ງບໍ່ມີແຫ່ງໃດສາມາດເຮັດໄດ້, ການໃຊ້ Wi-Fi ໂດຍບໍ່ເສຍຄ່າ ແລະ ຄວາມສະດວກຕ່າງໆ ຈາກການນໍາໃຊ້ອຸບປະກອນສື່ສານດ້ວຍຕົວເລກ ເຊັ່ນການເຂົ້າພັກໂຮງແຮມ ພ້ອມດ້ວຍການເລືອກຫ້ອງພັກ ແລະ ເລກກະແຈໄຂຫ້ອງພັກ ຊຶ່ງມີໄວ້ໃຫ້ພ້ອມສະເພາະແຕ່ລະບົບທີ່ເປັນ ຜູ້ນຳ-ດ້ານອຸດສະຫະກໍາ, Hilton Honors app. ໃນການຈອງຫ້ອງພັກ, ນັກເດີນທາງ ສາມາດຊອກຂໍ້ມູນໄດ້ ຈາກ ເວັບ doubletree.com. ສໍາລັບຜູ້ໃຊ້ສື່ສັງຄົມ ອອນລາຍນ໌ ສາມາດຕິດຕໍ່ກັບເຄື່ອງໝາຍການຄ້ານີ້ໄດ້ທີ່ໄດ້ທີ່ facebook.com/doubletree, twitter.com/doubletree ແລະ instagram.com/doubletree.
ນັກໜັງສືພິມ ສາມາດ ເບິ່ງຂ້ມູນຂ່າວສານໄດ້ ທີ່ news.doubletree.com.

ຂໍ້ມູນກ່ຽວກັບ ຮິລຕັນ (HILTON)
Hilton (NYSE: HLT) ແມ່ນບໍລິສັດຊັ້ນນຳລະດັບໂລກດ້ານການບໍລິການທີ່ພັກເຊົາ ພາຍໃຕ້ 14​ ເຄື່ອງໝາຍການຄ້າ, ລວມມີຕຶກໂຮງແຮມ 4,900 ແຫ່ງ ຊຶ່ງມີຫ້ອງພັກ ຫຼາຍກວ່າ 800,000 ຫ້ອງ ໃນ 104 ປະເທດ ແລະ ເຂດແຄວ້ນ. Hilton ໄດ້ອຸທິດຕົນເຮັດລ້ອນພາລະກິດຂອງຕົນ ໃນການເປັນບໍລິສັດບໍລິການທີ່ພັກເຊົາທີ່ດີທີ່ສຸດຂອງໂລກ ດ້ວຍການນໍາໃຊ້ບັນດາປະສົບການທີ່ສຸດພິເສດ -  ໃນໂຮງແຮມທຸກແຫ່ງ, ຕໍ່ແຂກທຸກທ່ານ, ໃນທຸກເວລາ. ຊັບສິນຂອງບໍລິສັດປະກອບດ້ວຍ ໂຮງແຮມ ແລະ ຣີສອດ Hilton, ໂຮງແຮມ ແລະ ຣີສອດ Waldorf Astoria, ໂຮງແຮມ ແລະ ຣີສອດ Conrad, Canopy by Hilton, Curio - A Collection by Hilton, DoubleTree by Hilton, Tapestry Collection by Hilton, Embassy Suites by Hilton, Hilton Garden Inn, Hampton by Hilton, Tru by Hilton, Homewood Suites by Hilton, Home2 Suites by Hilton ແລະ Hilton Grand Vacations. ບໍລິສັດ ຍັງເປັນຜູ້ບໍລິຫານ ໂຄງການຄັດເລືອກຜູ້ໄດ້ຮັບລາງວັນ ລູກຄ້າທີ່ດີ ແລະ ສັດຊື່, Hilton Honors. ບັນດາສະມາຊິກ ຂອງ Hilton Honors ທີ່ສັ່ງຈອງຜ່ານຊ່ອງທາງການສັ່ງຈອງຂອງ Hilton ຈະເຂົ້າເຖິງສິດປະໂຫຍດສູງສຸດໄດ້ໂດຍທັນທີ, ລວມເຖິງການເລືອກໃຊ້ວິທີຊໍາລະແບບສະສົມຄະແນນເທົ່າໃດ ແລະ ເງິນເທົ່າໃດ, ສ່ວນຫຼຸດພິເສດ ຂອງການເປັນສະມາຊິກ ຊຶ່ງບໍ່ມີແຫ່ງໃດສາມາດເຮັດໄດ້, ການໃຊ້ Wi-Fi ມາດຖານ ໂດຍບໍ່ເສຍຄ່າ. ຖ້າຕ້ອງການຂໍ້ມູນຂ່າວສານເພີ່ມເຕີມ ກ່ຽວກັບ Hilton ຈົ່ງເຂົ້າອ່ານທີ່ FacebookTwitterLinkedIn, Instagram ແລະ YouTube.

DOUBLETREE.COM

CONNECT WITH US


© Hilton